Chapter 39: GAME OF WITS

"Kaya mo pa, diba? Lumaban ka, Fawn," nakikiusap na turan ni Stella. Hirap na hirap na siyang alalayan ito dahil bumibigay na. Hinahabol pa sila ng mga kalalakihan kaya hindi siya makabalik agad sa sasakyan niya. Ang totoo ngayon napapalayo pa sila.

Mula kasi noong marinig niya ang usapan ni Ericka at ang kuya nito ay minanmanan na niya si Avery. Kung wala si Lucas sinusundan niya ito, pero kung nandiyan si Lucas hinahayaan niya. Nagkataon na wala si Lucas kaya sinundan niya ito. Narinig pa niya ang usapan ng dalawa kanina sa department store.

"S-Save Ave..."

Kahit nag-aagaw buhay na ito, ang kaibigan pa rin ang inaalala. Pero tinawagan na niya si Lucas para sundan si Ave. "Ililigtas siya ni Lucas. Ikaw ang kailangan kong dalhin sa hospital."

Napaluhod ito bigla. Napasama siya dahil nasa batok niya ang braso nito. Ang dami nang dugo na lumabas rito at alam niyang malapit na itong sumuko. Ngunit hangga't may hininga ito, hindi siya titigil hangga't hindi niya ito naliligtas.

"H-Hind