Chapter 38: FRIEND'S SACRIFICE

"Bakit hindi ka umuo agad? Baliw ka, disidido na nga ang tao sa'yo eh," suway sa kaniya ni Fawn nang ikwento niya rito ang tungkol sa alok ni Lucas.

Kasalukuyan siyang nagtutulak ng cart sa loob ng department store dahil sinamahan niya itong mamili ng groceries.

"Hindi ko kasi alam kung ako ba talaga ang nararapat para sa kaniya," mahina namang sabi niya.

"Ang pangit talaga ng rason mo." Sinamaan siya nito ng tingin. "Para ka sa kaniya, kasi nga ikaw ang inalok niya. Ikaw ang mahal niya at kaya niya sinikap mabuhay dahil sa'yo, hindi mo pa rin ba gets?"

"What if basta-basta na lang siya nagdesisyon kasi kailangan niya?" Aangal sana ito sa sinasabi niya pero nagsalita siya agad para ipaintindi pa. "Ang dami kong naging boyfriend, Fawn, samantalang siya ako lang pala ang babae sa buhay niya. Sobrang loyal niya, ako hindi."

"Ang mga ex mo na iyon, parte na lang ng nakaraan mo, Ave." Pilit pa siya nitong pinaintindi. "Saka may reklamo ba siya tungkol doon? Di ba wala naman?"

"Iyon na