“WHAT the f*cking hell was that?!” galit na tanong ni Dylan kay Danica nang mapag-isa sila sa kwarto nito. Nanginginig ang mga kamay ng dalaga sa takot habang nakaupo sa kama. “S-sorry..,” napahikbing sagot ni Danica. Hindi siya makatingin ng diretso rito. “Sorry? May ideya ka ba sa kalalabasan ng ginawa mo?” may himig iritang tanong ni Dylan.“W-wala.” Panay ang punas ni Danica ng mga luha kasabay nang pagdaloy sa kaniyang isipan ang eksena kaninang umaga.Pasado alas Tres na no’ng palabas na siya ng bahay para mag-abang ng tricycle. Kinailangan niya pang tapusin ang mga gawain sa bahay para wala nang abala pag-kauwi nilang tatlo mamaya.Isang kulay itim na sasakyan ang huminto sa kaniyang harapan makaraan ang ilang sandali. Dahil sa hindi niya na makita ang paparating na mga sasakyan ay naglakad na lamang siya nang kaonti para pumara sa unahan. Pero laking gulat niya nang harangan siya ng apat na lalaki. Pamilyar sa kaniya ang mga suot nito. “B-bakit ho?” kinakabahang tano
MABILIS lumipas ang panahon. Isang taon na rin simula no’ng aksidenteng napagkamalan ni Danica si Dylan bilang si Andrie. At sa tinagal-tagal nga ng panahong muling nagkrus ang kanilang mga landas, sa simbahan rin ang tuloy. “Ma’am, baba na po.”Tumalima si Danica sa utos ng bantay. Ipinagbukas siya nito ng pinto. Nakakatawa, hanggang sa kasal niya ay nakaitim ang mga ito.Eksaktong pagtapak niya sa aisle ay pumainlang ang isang sikat na awitin. Lahat ng mga mata mula sa loob ay sa gawi niya nakatingin na tila hinintay ang kaniyang pagdating.[IkAW AT AKO by Moira Dela Torre]- Sabi nilaBalang araw daratingAng iyong tanging hinihiling..Tila slow motion ang ginawa niyang paglakad. Sobrang bigat ng kaniyang mga paa. Pangarap niyang maikasal.. pero sa taong mahal niya.Pasimple niyang hinanap ang kinaroroonan ng mga mahal niya at nakakatuwang mababakas sa mukha ng mga ito ang kaligayahang sa pag-aakalang ganoon rin ang nararamdaman niya.- At no’ng dumatingAng aking panalangin
LAKING pasalamat ni Danica nang makitang lumabas na ng gate ang kotse ni Dylan. Mula sa guest room kung nasaan ang kaibigang si Lily ay patago niyang sinilip sa malaking bintana ang pag-alis nito.“Sino ba sinisilip mo?”Agad na umalis si Danica mula sa bintana at umupo sa kama. Kalalabas lang ng banyo ng kaibigan niyang si Lily.“Si Ate Sheila?” bagkus ay tanong niya.“Nasa kabilang guest room. Tulog pa yata,” sagot ni Lily na nagpahid ng lotion sa katawan. “Talagang kinarer ‘yong five days leave namin.”“Tsk, buti pinayagan kayong sabay mag-leave, noh?” Ngumuso na sabi ni Danica na bahagyang humiga.“Ano ka ba. Si Ate She pa ba? Eh, malakas ‘yon sa manager. Kaya nga ako nakapasok nang walang kahirap-hirap ‘di ba?”“Opo,” usal ni Danica na tuluyan nang humiga.“Luh, dzai maiba ako. Okay naman pala ‘yong Asawa ni pinsan..!” kapagkuwan ay pag-iiba ni Lily. “Nakakatuwang kausap.”Tila bolang naglaho ang kanina’y magandang mood ni Danica. Napabangon ito at tila nanunumbat na tumingin kay
NAALIPUNGATANG nagmulat si Danica ng mga mata. Si Dylan ang una niyang nasilayan habang nakapangalumbabang nakatunghay sa kaniya, pangiti-ngiti.“Can I have my goodbye kiss?”Umirap siya. Kahit sa panaghinip nang-aasar si ATM boy. At bago pa man siya makasagot ay dumukwang na ito at mabilis siyang ginawaran ng halik. Asar na isinubsob niya ang mukha at pumikit ulit.“HOY, dzaiiii!”Ngiwing napabalikwas si Danica ng bangon dahil sa tili ni Lily. Pakiramdam niya nabasag ang kaniyang eardrums sa pagsigaw nito.“Arat sa baba. Pa-barbecue party si Mommy Cassandra mo bago kami gumora mamaya.” “H-ha?”“Dali na! Bihis na at nang makapag-almusal ka na. Tutulungan mo pa kaming mag-ihaw!”Nakapikit pa ang kabila niyang mata nang hilain siya pababa ng kama ni Lily. Wala siyang nagawa kundi ang magpatangay rito.SA likod ng mansyon kung saan naroon ang pool ay napili ni Danica na doon mag-almusal. Sina Lily at Sheila ay abala sa pag-iihaw. Ang Nanay at Mommy niya ay nasa pasemano ng pool at muk
ASAR na sumunod si Dylan kay Danica. Ramdam niya ang pag-iinit ng puson sa kabila nang malamig na tubig. D*mn! He cursed. He doesn’t know how it started but after that night he have got the feeling of wanting her again and again. He’s not saying he never slept with other women before, but Danica is different. There is somethin’ in her he think he’s obsessed with---and that is what he wanna figure out.Mabilis na ipinulupot ni Dylan ang mga braso sa beywang ng Asawa pagkarating sa likod nito. Bahagyang napa-igtad si Danica subalit mas lalo pa niya itong niyakap upang hindi na muli pang makatakas.“Ang cute niyong tingnan,” komento ni Fancine. Nakaupo ito sa pasemano ng pool habang nakapatong ang mga kamay sa balikat ni Andrie na noon ay nasa tubig. “Curious lang, isang taon na rin kayong kasal, wala pa rin ba kayong planong magka-baby?” He instead burst a question, looking at Danica’s EX. Funny, but seeing the guy’s face is kinda irritating to him.Hindi makatingin ng diretso si
DAPIT hapon na nang ihatid nina Danica at Dylan sa airport sila Lily at Sheila, kasama ang mag-Asawang Andrie at Francine. Hindi na sumama ang Ina ng dalaga gawa nang napagod ito kanina. May edad na rin ito kaya mabilis makaramdam nang ganoon.“Salamat nang marami. Nag-enjoy kami ni Lily,” ani Sheila .“Ingat kayo.” Si Dylan.“Sana magkaroon tayo ulit ng time magbonding,” nakangiting singit ni Francine. Ngumiti si Sheila bilang tugon. Tumingin ito kay Andrie pero hindi naman nagsalita. Simula noong dumating ang mga ito ay hindi pa ito nakipag-usap kay Andrie maliban kay Francine. Pakiramdam niya may problema ang tatlo, o hindi kaya ay may kinalaman ito sa kaniya.Umere ang isang tinig hudyat nang pag-alis na ng eroplanong sasakyan nina Lily at Sheila.“Oh dzai, mami-miss kita,” ani Lily na yumakap kay Danica. Ganoon din si Sheila. “Tawagan kita kapag nakarating na kami ng Pampanga.”Malungkot na ngumiti si Danica. Wala na naman siyang makakausap sa mansyon. Aalis na rin ang kaniyan
NAALIPUNGATAN si Danica sa sunod-sunod na katok mula sa pinto. Bago pa man siya makabangon ay sumungaw na ang ulo ni yaya Aida. “Ma’am, hinihintay na po kayo sa baba.” Papungas-pungas siyang tumango saka tuluyang bumangon. Ngayong araw nga pala ang uwi ng kaniyang Inay at Itay ng Leyte. Muntik niya nang makalimutan. “Sabihin ko bang baba po kayo, Ma’am? Mukhang napagod po yata kayo,” nanunudyo pang dagdag ni yaya Aida na ngumisi. Saka niya lang naintindihan ang katulong nang mapadako ang mga mata sa bagay na tinitingnan nito. “B-bababa ho,” nahihiya niyang sagot sabay hablot ng kaniyang undies sa kama. Pakiramdam niya umakyat lahat ng dugo niya sa mukha. “Sige po.” Kagat ang pang-ibabang labi na bumaba siya ng kama at tumuloy sa banyo. Wala na si Dylan na ipinagpasalamat niya. Matapos nang ginawa niya kagabi hindi niya alam kung ano’ng mukhang ihaharap uli rito. Agad siyang naligo at nagbihis pagkatapos. Isang kulay navy na bestida, may maikling manggas at hanggang tuhod ang
NAGISING si Danica sa sunod-sunod na tunog mula sa kaniyang messenger kinaumagahan. Kahit nakapikit pa ang kabilang mata ay sabik niyang inabot ang cellphone sa ibabaw ng drawer desk. Napangiti siyang binasa ang mensahe ng bagong kaibigang nakilala niya lamang kagabi. Si SpongeBob. Bigla itong nag-pop-up sa message request at nalaman niyang kababayan niya ito kaya ganoon na lamang ang kaniyang tuwa. Bukod kina Lily at Sheila, natutuwa siyang magkaroon ng kaibigang kababayan sa Facebook. Tuluyan na siyang napabangon at tumipa ng mensahe.Hindi siya nagkaroon ng pagkakataon noon na ma-expose sa social media dahil sa wala siyang cellphone. Sapat lang ang kinikita ng mga magulang niya sa pagsasaka para sa pang-araw-araw nilang pangangailangan. Bukod pa roon, hindi siya nahilig sa mga ganoon, masaya na siyang gawin ang mga simpleng bagay kasama ng kaniyang mga kaibigan at ni Andrie. “Who’s that?”Awtomatikong lumipad ang mga mata ni Danica sa pinto ng banyo. “T-teka, hindi ba dapat kani