Chapter 44: Saving The Twins

Dumaan pa ang mga araw na hindi nagkikibuan sina Ralph at Glory. Pansin ni Ralph na masyadong ginagawang busy ni Glory ang sarili niya, upang hindi ito mabakante at mawalan ito ng oras upang hindi sila makapag usap ngunit hindi niya akalain na ganito ito ka workaholic. Minsan ay nakakalimutan na nitong kumain ng lunch kung kaya’t pasikreto niya itong binibilhan ng pagkain at pinapaabot niya iyon kay Addy na sekretarya nito ngunit hindi pinapaalam ni Addy kay Glory na sa kanya iyon galing dahil baka magalit ito.

Ngayong araw ay ganon ulit ang ginawa ni Ralph.

“Addy! Addy!” pabulong na singhal niya kay Addy.

“Yes Sir Ralph, ano po iyon?” tanong ni Addy na kaagad na lumapit kay Ralph, inabutan naman siya ni Ralph ng malaking kulay brown na supot, mabigat iyon at halatang pagkain na naman ang laman.

“Bigay mo sa boss mo, kamo kumain na at mamaya na yung ginagawa niya, alas dose na naman, makakalimutan niya na naman yan,” saad ni Ralph.

“Eh pero Sir, kayo na lang ho kaya magbigay? Nauu