Kabanata 49

"NANALO AKO!" malakas na sigaw niya kaya naman napatingin na din sa amin ang ibang mga tao.

Ngumiti lamang ako ng tipid sa kaniya at bigla ko nalang siyang tinalikuran. Ang aking paglalakad ay nag-umpisa sa mabagal hanggang sa ito ay naging mabilis. Naramdaman ko ang pagsunod sa akin ni Levi mula sa likod. Naririnig ko din ang kaniyang mahina na pagtawa.

"Okay panalo ka na. Sumusuko na ako. Huwag mo na akong layuan." Gusto ko siyang tawanan nung sabihin niya iyon. Masiyado naman siyang corny.

Tumigil ako at naramdaman ko naman ang pagdampis ng kaniyang balat sa likod ko dahil na din sa biglaan kong pagtigil.

Humarap ako sa kaniya at hinila siya sa isang mahabang pila. Napatingin naman siya sa taas at nung makita niya ang rides ay talaga namang namula ang kaniyang mukha.

"Dito tayo magpustahan." Hamon ko sa kaniya.

"Doon pa nga lang sa una nating ride na nasakyan ay sumigaw ka na. Dito pa kaya." Pag-yayabang niya pa sa akin. Sus, takot lang siya e.

"A okay, .... takot ka lang e." Mah