Kabanata 2

Hindi naging komportable kay Felice na manatili pa sa student council room simula nang malaman niyang ang History Professor niya sa History ang kanilang substitute adviser. Ewan ba niya, kada nakikita niya kasi ito ay naaalala niya ang embarrassing moment niya pag nakikita niya ito. Mas nahihiya siya pag ganoon kaya mabuti nang wag na lang talagang mag-cross ang landas nilang dalawa dahil ewan na lang talaga niya. 

Gusto niya ngang pagalitan ang sarili niya sa pagiging OA niya sa moment na iyon. Napaungot na lamang siya habang inaayos niya ang mga papel na kailangan niyang pirmahan. 

Nasa kalagitnaan siya ng pagpipirma nang biglang may tumawag sa kanyang pangalan.

"Miss Lemuel." 

Muntik na siyang mapatalon sa kanyang kinauupuan nang marinig iyon. Madaling nag-angat siya ng tingin at saka sinundan ng tingin ang pinanggagalingan ng boses. Napalunok pa siya nang bumungad sa kanya ang mukha ng kanilang substitute adviser at professor na rin niya sa History. 

"Uhm yes sir?" tanong niya rito. 

"I would just like to remind you about our student council meeting this afternoon," sagot naman nito sa kanya. Napalunok siya at agad na napatango na rin.

"Noted, sir," aniya pa rito. 

Tumango na rin ang professor niya bago nito tuluyang isinara ang pinto ng kanyang opisina. Napabuga na lang siya ng hininga at ipinagpatuloy ang pag-sort ng mga papel. Napailing na lamang siya. 

Sandaling tiningnan niya pa ang kanyang wristwatch. May oras pa naman siya bago ang susunod niyang klase, which is Philippine History nga pala. Bumuntong-hininga na lang sita at tinuloy na ang pag-aayos ng mga papeles. Nang matapos siya ay mabilis niyang niligpit ang mga gamit saka tumayo. Sinigurado niyang naka- lock ang  pinto ng office bago siya tumuloy at naglakad papunta sa kanyag susunod na klase. 

As usual, ramdam na naman niya ang lahat ng mga matang nakatitig sa kanya. Pinanatili niyang naka-poker face ang kanyang mukha at tahimik na naglakad lang siya papunta sa kanyang building. 

"Hey, Felice!" 

Muntik na siyang mapairap nang marinig niya ang boses na iyon. Binilisan niya ang lakad para lang hindi maabutan ng lalaking nagsalita pero sadang mas mahaba ang biyas nito kaya naabutan siya nito. Ano pa nga bang e-eexpect, e, athlete ito. Ang isang hakbang ata nito ay limang hakbang na niya. 

Sa huli ay napahinto na rin siya. Umirap siya at binalingan ito. 

"What is it Bran?" tanong niya. Ngumisi naman ito sa kanya.

"Well, nothing really. I'd just like to ask if you're up for some review later?" sabi pa nito sa kanya. Pinaningkitan niya ito ng mga mata. 

"Since when did you have time for review?" bara niya rito. Tumawa lang ang lalaki. 

"C'mon, Fel. Am I not entitled to change?" 

Tinaasan niya ito ng kilay. "Huh. Very funny joke, Bran.  Just review on your own and stop bothering me." 

Umirap lang ulit siya rito. Hindi na niya ito hinintay na sumagot at iniwan na niya ito. 

Napailing na lang siya at mabilis na naglakad. Na-aannoy kasi talaga siya kay Bran. Kinukulit na siya nito mula high school pa. Hindi niya naman ito pinapansin kasi alam niya naman ang reputation nito. The guy is just one of those good for nothing fuck boys who just wants to get in her pants. Sorry na lang ito at hindi siya mahuhulog dito. Ayaw niyang maging isa sa mga babaeng laruan nito, no. Ayaw niya sa immature at napakapabebe.

Nang makarating siya sa classroom nila ay napaangat na lang ang kanyang kilay nang makitang halos lahat ng mga classmates niya ay nasa loob na.

'Wow. They surely want to impress Prof. Greg huh.'

Nailing na lang niya ang kanyang ulo at saka siya dumiretso na sa kanyang upuan. Ilang sandali lang din ay dumating na rin ang Sir Greg nila. Napalunok si Felice. Ewan ba niya, parang nagiging abnormal na naman kasi ang tibok ng puso niya. 

Bumuga siya ng hininga. Panay ang paalala niya sa kanyang sarili na wag tangkaing matulog o humikab man lang. Ayaw na niyang maulit iyong pagkapahiya niya noong nakita siya nito no. 

"Good morning, class," bati ng professor na sinagit din naman nila ng sabay na pagbati. "Take your seats." 

Umupo silang lahat. 

Sinigurado pa ni Felice na nakatuwid siya ng upo para talagang hindi siya antukin at magising siya buong klase. Kasi naman, hindi niya talaga gusto ang History. Sadyang nabo-bore siya sa subject na ito. 

"Okay,  so for today, I will give you an advance project to be passed before your midterms. This will be my requirements for your clearance signing. Beadle, please distribute. This will be individual." 

Agad niyang narinig na nagreklamo ang mga kaklase niya nang marinig ang salitang "individual". Napairap na lang siya. Narinig niya pang nakipag-bargain sa professor nila tungkol sa task na sana ay grupo at by-pair na lang daw. Napailing siya. Hindi niya kasi ma-gets kung bakit obsessed ang mga kaklase niya sa group works. E, kung tutuusin ay hindi naman makatarungan ang group work kasi meron at merong mga pabuhat. Siguro iyong mga pabuhat yung may gusto ng group work. 

'Tss. Tamad lang talaga kayo.'

Itinuon na lang niya ang kanyang atensyon sa pagbabasa ng papel. Hinayaan niya na lang ang mga kaklase niya na makipag-bargain sa professor nila. Wala naman siyang pake. Kaya niya naman ng individual. Sa hulo ay naging pirmi rin naman ang desisyon ng prof nila at individual nga.

Nagpasalamat na lang siya na ganoon nga. 

First time yata na hindi talaga siya natulog sa History class. Well, inantok naman siya pero pinigilan niya lang talaga ang sarili. Nag-notes na nga lang siya para may pagkaabalahan siya at hindi talaga siyay makatulog. 

Nasa kalagitnaan ng pagdi-discuss si Greg nang tingnan niya ang kanyang  wristwatch. 

'Thank god, it's time already. '

"So that's it for today. Don't forget about the readings that I assigned to you. Dismissed." 

Nakahinga siya nang maluwag at saka isa-isang tinipon ang mga gamit niya at nilagay iyon sa kanyang bag. As usual, hinintay na naman niya ang kanyang mga classmates na mauna na bago siya lumabas. 

"Miss Lemuel." Napahinto lang siya sa paglalakad nang marinig iyon. Napalunok siya. Muli ay bumilis na naman ang tibok ng kanyang puso. 

'God. What did I do again? I didn't sleep!'

"Yes sir?" Nakagat niya ang labi. Sinubukan niyang i-compose ang kanyang sarili. 

Ngumiti naman ang lalaki at inilagay ang laptop nito sa bag. 

"You didn't sleep," sabi pa nito, nakangiti sa kanya. 

Napatanga na lang sya rito. Hindi niya alam kung mao-offend siya o ano. Hindi naman kasi sarcastic ang ngiti nito. Parang ang genuine. Napalunok na lang siya at saka bumuntong-hininga. Nginitian niya rin ito nang tipid.

"Sorry about last time, sir," sabi niya na lang at nagkagat-labi. Mas ngumiti ito sa kanya.

"Nah. That was not a big deal, Miss Lemuel. C'mon you're too uptight. I was just making the mood light. I know my subject can really be boring so I refuse to be boring too." Marahan ulit itong tumawa. "I hope you give the subject a chance. It's as beautiful as your favorite subject." Kitang kita niya ang mapuputi nitong ngipin habang nakangiti sa kanya. 

Sandali siyang natanga sa kanyang kinalalagyan. Para siyang nahipnotismo sa ngiti nito. Nang mabalik siya sa reyalidad ay wala na ito sa harapan niya. Napaawang na lang ang kanyang labi. Napahawak pa siya sa kanyang dibdib nang maramdaman ang abnormal na pagbilis ng tibok nito. Hindi niya alam pero parang may kakaiba sa huling sinabi nito. 

'Gosh, ano bang nangyayari sa'yo, Felice?!'

Nailing na lang niya ang ulo sa inis. Napapadyak pa siya. Humugot siya ng buntong-hinibga bago nagsimulang maglakad palabas ng classroom.

'Another embarrassing moment! Wow, Felice, just wow!'

***

Sobrang kaba ang nararamdaman ni Felice habang naghihintay sa mga ibang members niya para sa meeting. Wala pa si Greg kaya laking pasalamat niya na lang. Ewan ba niya. Hindi niya alam kung paano niya ito haharapin dahil sa nangyari kanina. Pakiramdam niya ay nagmukha na naman siyang tanga kanina. Ay ewan na lang talaga niya. Ni hindi niya maintindihan kung bakit palaging ganoon ang nagiging reaksyon niya pag kinakausap siya ng professor. 

'Get yourself together, Felice!'

"Are we all complete? Shall we start?" 

Agad na nanlaki ang kanyang mga mata nang bigla na lang pumasok ang guro nila sa conference room. Umayos siya ng upo at saka lumunok. 

'Don't embarrass yourself again, Felice. '

Iyon ang palagi niyang sinasabi sa kanyang utak tapos ay tumayo na siya at pumunta sa harap. 

"Good afternoon. Our agenda for today will be about our upcoming university acquaintance," sambit niya habang nakatingin lang sa kanilang mga myembro. Sinadya niya talagang hindi tingnan ang professor dahil naiilang siya pero ramdam na ramdam niya naman ang tingin nito sa kanya. 

Napalunok ulit siya at kinalma ang kanyang sarili.

'No more embarrassment, Felice. Get your shits together!'