Chapter 28

Nakaramdam naman ng habag ang dalaga kay Arnel, hindi niya akalain na nahihirapan din pala ang kalooban nito dahil sa kanyang pag iwas rito.

Tutok ang mga matang nakatitig sa mukha ng lalaki si Nicka. Nag- uulap na ang mga mata ni Arnel, senyales na may papatak na luha sa magkabilaang pisngi nito. Tumingala ang lalaki at pinipilit na wag ipakita kay Nicka ang kanyang pagluha.

Pinisil ni Nicka ang kamay ni Arnel na nakahawak sa isa niyang kamay. Itinaas niya iyon ng bahagya at kinuha niya ang isa pang kamay ng lalaki at pinagsalikop niya iyon at tinapik-tapik sabay ngiti sa lalaki ng ibaba nito ang ulo at magtama ang kanilang mga mata. "Ikaw, naman ang mahal ko, ang nasa puso ko." malamyos na wika ni Nicka at hinagkan ang likod ng palad ni Arnel ng nakangiti.

Bumagsak ng tuluyan ang luha sa pisngi ni Arnel, ngunit sa pagkakataon naman na iyon ay luha ng kagalakan. Sa sinabi ng dalaga sa kanya ay napawi ang takot na kanyang nadarama ng ilang araw dahil sa cold treatment ni Nicka sa kany