Chapter 35

Napansin ni Arnel na napasulyap si Nicka sa kanya kaya kinawayan niya ang dalaga na matamis siyang nginitian.

Tumayo si Nicka at nagpaalam sa tatlong babae na lalapitan si Arnel na ikinatukso pa ni Aileen at Candice sa dalaga.

Naglakad palapit sa kinaroroonan ni Arnel si Nicka at ang mga kaibigan ng lalaki ay isa isang nag alisan sa tabi ni Arnel para mabigyan muna sila ng privacy.

"Good morning!" malawak ang ngiting bati ni Nicka kay Arnel na papalapit sa lalaki.

Ibinaba ni Arnel ang hawak na tasa sa pwedeng pagpatungan na malapit sa kanyang kinatatayuan at sinalubong ng yakap si Nicka.

Mahigpit na yumakap rin sa katawan ni Arnel si Nicka at pinupog naman din ng halik ng lalaki ang mukha ng dalaga. Mahinang hinampas ni Nicka sa dibdib si Arnel na ngiting ngiti.

"Nakakahiya, baka nakatingin sila sa atin, may mga bata rin na nakakakita sa ginagawa mo." masayang turan ng dalaga habang sinasaway si Arnel.

"Hayaan mo sila, hindi maiinggit ang mga yan dahil ginagawa rin nilang mag PDA (pu