Chapter 42

Sa unang pagkakataon, natanaw na ni Lyv ang lugar kung saan ginugugol ng asawa ang malaking bahagi ng kanyang oras. Kasama sina Mang Turing at Ate Marissa, kasalukuyan na siyang nasa loob ng opisina ni Sandro. 

Puting-puti ang kabuuan ng silid. Magmula sa kulay ng sofa, kulay ng pader na lumilibot sa kabuuan ng kwarto, hanggang sa kulay lamesa sa dulo ng silid kung saan nakapatong ang kulay abong laptop at iba pang mga pang-opisinang gamit ng lalaki. Mayroon ding maliit na bookshelf na nagsisilbing back drop ng desk ni Sandro. Bukod sa mga mangilan-ngilang piraso ng mga libro, nakapatong din sa mga estante ang mga tropeyo at parangal na nakuha ng Dela Vega Empire sa mga nagdaang panahon. Sa kanang bahagi ng silid, tanaw na tanaw ang kabuuan ng Maynila salamat sa malaking salamin na nagsisilbing bintana nito habang sa salungat na bahagi naman ay isang maliit na conference room. Bahagya na