Chapter 21 PART 2

Naiwan akong tulala sa lamesa. Iniisip ko pa rin iyong itsura ni Lance kanina. Gustuhin ko mang magtanong kaya lang nahihiya naman ako. Saka baka kaya lang niya ako ipinakilalang girlfriend kasi ayaw niya sigurong mag-isip ng kakaiba iyong madrasta niya.

Nang makabalik si Lance sa lamesa namin ay bumalik na sa dati ang ekspresyon ng mukha niya. Napabuntong hininga na lang ako. Nagpatuloy lang ang kasiyahan. Pagkatapos ng kainan ay nagkaroon pa ng awarding ng mga empleyado at pagbibigay ng mga premyo sa mga nanalo sa palaro. Mayroon ding raffle draw at pagkatapos ay nagbigay ng speech si Lance para sa lahat. Hindi ko maiwasang hangaan siya habang nagsasalita kanina. Ang ganda ng tindig niya at talagang kumpiyansa siya habang nagsasalita. Lahat ay matamang nakikinig kanina, at nagtatawanan pa nang haluan niya ng biro ang pagsasalita. Sa huli ay nagpasalamat siya sa mga dumalo at nakiisa sa kasiyahan pagkatapos ay inilatag na via video presentation ang mga proyekto ng kumpanya nila para s