Chapter Twenty Six

Hirap na hirap akong maligo dahil hindi ko pwedeng basain ang paa ko na may bandage. Tuloy ay natagalan ako sa banyo.

Mabagal at hirap na hirap akong bumaba ng hagdan para sana makainom ng tubig. Pero pagbaba ko ay natigilan ako dahil nandito ulit si Asher. Seryosong nakatingin kay Steve na seryoso naman ang mukha na nakatingin sa lamesa. Nang maramdaman nila ang prisensya ko ay agad napatayo si Asher.

“Hey... I told you hindi mo pa s'ya pwede ilakad. Tsaka, naligo ka? May lagnat ka ah?” inalalayan ako nito paupo sa tabi niya.

“Iinom lang sana ako, tsaka sinat na lang naman kaya iniligo ko na.”

“Ang tigas ng ulo mo. Tss. Wait, ako na kukuha ng tubig mo.”

“Salamat,”

Pagtingin ko sa harap kung nasaan si Steve ay seryoso lamang itong nakatingin sa'kin. Hindi ito nagsasalita, basta nakatingin lamang ito sa'kin na ipinagtaka ko.

“Here,” biglang harang ni Asher sa harapan ko.

“Salamat...”

Umupo muli ito sa tabi ko. Ang awkward lang dahil masyado silang seryoso.

Inilapag ko nang dahan-daha