40: HER REASONS

Hindi kakayanin ng konsensya mo ang pagsisinungaling mo sa isang tao sa oras na nakikita mong nasasaktan na ang taong pinoprotektahan mo.

Author's Pov:

Magdadalawang linggo na ang nakalilipas simula nang may nakitang higit pa na pinagsisisihan ni Aya.

Sa loob ng dalawang linggong lumipas ay walang ibang ginawa si Shan kundi ang gumising sa umaga, kumain, maligo, kumain at matutulog muli. Araw-araw ay ganito ang naging takbo ng buhay niya sa loob ng dalawang linggong pamamalagi sa ospital.

Pagkatapos no'ng gabing pinuntahan ni Shan si Zach na lingid sa kaalaman ni Yhurlo ay mabilis at agarang binigyan ng lunas ng mga doktor ang tahi niya na bahagyang naigalaw dahil sa katigasan ng ulo nito. Inulit ang pagkakatahi sa sugat niya sa likuran at siniguradong talagang matibay pa ito sa panahon nang sa gayon ay hindi na ulit maoperahan si Shan.

Naiinis at nabubugnot na si Shan dahil araw-araw ay may nakatokang magbantay sa kanya para lamang s