44: I'M BLACKSTAR 02

A stranger can be your friend or worst, your enemy.

Author's Pov:

Sabay-sabay na tinahak nina Shan, Margou at Vince ang daan papunta sa opisina ni Charles. Dinaanan nila ang mahigit limang seksyon ng mga produktong nakadisplay tsaka lumiko sa isang kanto kung saan wala masyadong tao bago natanaw ang pasilyo na maghahatid sa kanila sa opisina nito.

Akmang didiretso na sana sila sa paglalakad sa gitna ng mahabang pasilyo nang bigla silang hinarang gamit ang malapad na dibdib ng isa sa mga bodyguard ni Charles. Kung ang ibang bodyguards ay nakasuot ng itim na coat ito namang humarang sa kanila ay siyang katangi-tanging nakasuot ng puting coat na para bang ito ang lider sa grupong ito.

Wala sa sariling tinaas ni Shan ang kanyang ulo dahil sa tangkad ng lalaking humarang sa harapan niya upang tignan ito. Salubong ang kanyang mga kilay at kunot ang mga noo niyang tinignan ang lalaking iyon na parang tinatrato na isang sagabal sa kanilang plano.