CHAPTER 72

ATASHIA

Habang nakaupo sa harapan ko si Belle ay parang hindi ko siya matantiya. Alam kong ginagawa niya ang sa tingin n'ya ngayon ay tama pero hindi ko magawang makipag-ngitian sa kaniya lalo at hindi pa stable ang lagay ng kapatid ko.

"I am willing to testify against Tita Olivia. I will tell everything I know," sabi ni Belle.

Tumingin ako sa buong paligid. Nasa restaurant kami malapit sa hospital. Ang bawat galaw ko ay de numero dahil tulad ng dati, ayaw kong mapahiya. Ayaw ko rin na mapagalitan ni Daddy.

"Sigurado ka ba, Belle? Baka naman kapag nasa bakbakan na, iwan mo kami," dakdak ni Loida.

"No. I am willing to help you, guys," sabi naman ni Belle.

Nakinig lang ako sa diskusyon ng dalawa. Hindi ako nakisali kasi feeling ko ay mawawalan ako ng control sa emosyon ko. Iniiwasan ko iyon lalo pa at nasa isang lugar kami na maraming tao.

“Wala akong tiwala sa iyo,” prangka na sabi ni Loida kay Belle. “Ang mga tulad mo iyong bait-baitan kunwari tapos ayun, hayop naman pala talag