Chapter 89

NAGLAHO ang ngiti sa mukha ni Zia. Iniwas niya ang mukha nang dilaan siya ng tuta. “Ilayo mo siya, Louie,” aniya.

Iyon naman ang ginawa ni Louie. Ilang sandali pa ay nagsalita, “May importanteng meeting akong pupuntahan ngayong umaga at babalik na lang mamayang gabi.”

“May importante rin akong lakad mamayang gabi,” tugon ni Zia.

“Ano naman? Sinong kasama mo, si Patrick ba?” casual na tanong ni Louie.

Hindi kailangang magpaliwanag ni Zia pero sinabi pa rin niya at baka bigla itong manggulo sa pupuntahan niya, “Makikipagkita lang ako sa investor na ipinakilala ni Mrs. Lim. Naroon din siya, sasamahan ako.”

“Gusto mo bang ihatid na kita sa pupuntahan mo?” ani Louie na inilingan ni Zia. “Bakit? Ayaw mong malaman ng ibang tao na may asawa ka?”

Kumunot ang noo ni Zia na ikinangiti ni Louie saka binuhat ang tuta gamit ang isang kamay. “Magba-bye ka kay Mommy, Hara,” ani Louie na iwinagayway pa ang paa ng tuta.

Sumimangot naman si Zia pero halata ang pamumula ng pisngi dahil sa panunukso ni L