Chapter 48

Nang lumapit sa akin si Sylvia at ang anak ko na pawisan na dahil sa kakalaro ay mabilis akong tumayo. Pinunasan ko muna ito at nilagyan ng bimbo sa likod si Love at agad na akong nagyaya sa kanilang umuwi na.

Pareho pa silang nagtataka kung bakit bigla akong nagyayang umuwi. Gayong hindi pa nagtatagal ang anak ko sa paglalaro sa playhouse. Mukhang nag-eenjoy pa naman ang anak ko sa paglalaro. Siguradongnabitin ito. Pero kailangan na naming umuwi bago pa man ako makita ni Delgado. May sa kabute pa naman ang isang iyon kaya minsan ay hindi ko nararamdaman na nasa tabi ko na pala.

Hangga't hindi kami nakakalayo sa lugar na ito ay hindi ako mapapanatag.

Nagdahilan na lamang ako na masakit ang tiyan ko kaya uuwi na muna kami. Si Sylvia na rin ang pinag-drive ko dahil nga nagpapanggap ako na masakit ang tiyan ko.

Kaya pagdating namin sa bahay ay dumiretso agad ako sa taas upang kunwari ay magtungo sa comfort room. Hindi naman talaga masakit ang tiyan ko pero wala akong ibang maisip na dahi