Chapter 78 - Busted Plans

"I know, Jed, and I plan to tell her tonight." Kasabay sa kan’yang mga sagot ay ang sunod-sunod din na pagbubuntong-hininga na ginagawa ni Zane habang kausap sa telepono ang matalik na kaibigan niya. "Alam ko naman iyon kaya lang hindi nagiging madali ang lahat dahil sa tinotopak pa nga ang nanay ko. Nakausap ko na si Ace at hindi ko man makuha ang suporta ni Mama ay si Ace na muna ang bahala."

"Sigurado ka ba na kaya mo na iwan ang asawa mo kahit na alam mo na may problema pa riyan? We don't have much time, Zane. Nagsisimula nang gumalaw ang mga galamay ng ama mo kaya kailangan na natin planuhin ng maigi ang mga susunod na hakbang natin."

"Alam ko, Jed."

"Kailangan mo nang makabalik bukas kaya kailangan mo nang kausapin ang asawa mo at sabihin sa kan’ya ang mga plano mo. Siya nga ang unang dapat na kinakausap mo tungkol sa bagay na ito kaysa sa nanay at kapatid mo." Pangungulit na naman ni Jed.

Alam naman ni Zane ang pinaghuhugutan ng kaibigan niya sa patuloy na pangungulit na iy