Chapter 80 - The Enraged Father-In-Law

"Senator, nakatanggap kami ng mga report na kasama nga ang grupo ng bastardo mo sa nakalaban ng grupo ni Manolo."

"What?"

"Bineberipika na namin ang report na iyon kung may katotohanan o inililigaw lamang tayo. Sa ngayon ay patuloy ang imbestigasyon ng mga kapulisan sa nangyari pero wala pang inilalabas na report patungkol doon."

"Hanggang kailan tayo maghihintay para magawa nila ang trabaho nila? Gumawa na kayo ng sarili ninyong imbestigasyon at huwag nang umasa pa sa mga palpak na kapulisan na iyan."

"Masusunod, Senator Lardizabal."

"Ano ang balita sa heredera? Where is she? Where is Manolo’s daughter? Wala pa rin ba kayong balita kung saan itinatago ni Manolo ang anak niya?" Umagang-umaga pa lamang ay nanggagaglaiti na agad si Jaime Lardizabal lalo na at wala pa rin saysay ang mga report na nakakarating sa kan'ya patungkol sa nangyari na engkuwentro. Hindi na nga nila mahanap si Manolo pati ang mga importante na tauhan pa nito ay hindi rin nila makita gaya na lamang ng abogado