Chapter 49

Asper Reign Dahlia’s Pov

Dahil nga binabawasan ko ang encounter namin ni Jyn sa bawat araw ay mas binibigyan ko ng oras ang SweetHeart kaysa sa pagtambay ko sa mansyon niya.

Nagluluto pa din naman ako sa kanila pero tuwing umaga na lang para sa kanilang almusal at tuwing gabi para sa kanilang hapunan.

Sinabihan ko na din kasi si Rajiv na gusto kong pagtuunan ng pansin ang shop ko dahil nahihiya na rin ako kay Miracle.

Lalo ngayong mayroon na siyang sariling buhay na dapat asikasuhin.

Ayaw ko namang maging hadlang pa para sa ikalawang pagkakataon ng relasyon nila ni Rajiv.

Pero syempre ay binibigyan ko pa din kahit paano ng oras si Jyn para hindi naman siya makahalata na umiiwas ako. Kinukulit ko pa din siya tulad ng dati at malapit pa din ako sa kanya.

Ipinaparamdam ko sa kanya na walang nagbago sa pagitan namin kahit na may halikan pang naganap.

“Bakit ba hindi mo na lang aminin na in love ka na sa kanya?”

Nanlaki ang mata ko nang marinig ang boses ni Miracle mula sa likod ko. Agad a