Chapter 25.1

Humahangos na dumating si Thano sa silid ng kanyang amo.

"Boss! Boss!" Kumatok ito ng sunod-sunod at malakas sa pintuan ng silid na tila mayroon itong importanteng sasabihin sa kanyang amo.

"Boss! Emergency, boss!"

Halos kalampagin na niya ang pinto ngunit wala siyang nahintay. Nang hindi siya nakatiis ay pinihit na niya ang seradura ng pinto.

Bumungad sa kanya si Damielle Astin na nakatayo at nakatanaw sa glass wall ng silid.

"Boss!" Pagtawag niya rito ngunit hindi siya nito pinansin. Buntong-hininga na lamang si Thano na lumapit sa kanyang amo.

"Boss! Si Ma'am Naya, umalis." Imporma niya rito.

Noon na siya liningon ni Damielle Astin.

"Let her leave, Thano." Walang emosyong turan ni Damielle Astin kasabay ng pag-alis nito sa kanyang kinatatayuan. "And besides she is not Naya."

"Huh? Ibig mong sabihin, boss, impostor lang 'yon?" Sumunod siya kay Damielle Astin.

"You heard what you heard, Thano!" Asik nito sa kanya. Nang masalo niya ang tingin ng kanyang amo ay kitang-kita n