Chapter 28.1

Nangyari nga ang inutos ni Damielle Astin. Matapos niyang dalhin sa Foundation ang mga bata ay gumawa ang mga tauhan ng anunsiyo sa telebisyon, pahayagan at maging sa online news.

Napatingin si Damielle Astin sa pintuan nang marinig niya ang tatlong beses na katok. Ilang sandali lamang ay bumukas iyon at iniluwa ang tauhan niyang si Thano.

"Boss?" Panimula nito. "Dumating na ang nanay ng mga bata, boss."

Tila nakaramdam siya ng munting kurot sa puso. Makalipas ang tatlong araw ay makakauwi na ang dalawang bata sa kanilang pamilya. Wala na siyang papanoorin sa monitor na batang naglalaro sa loob ng silid. Hindi na siya maasar sa masungit na mukha ni Devonne at hindi na siya matatawa habang pinapanood silang dalawa.

Napalunok siya. Tumango rin siya kasabay ng kanyang pagsasalita.

"That's good, after three days she came."

Napatikhim naman si Thano.

"Pero boss, hindi po kayo maniniwala kung sinong nanay ng mga bata."

Nangunot ang noo ni Damielle Astin.

"Why?" Nang hindi umimik s