Chapter Twenty-three

Napapitlag si Ellaine nang biglang bumukas ang pinto niya at iniluwa noon si Mico.

"Ano'ng kailangan mo?" Tanong niya rito habang inaayos niya ang kanyang gamit.

"I just want to say sorry sa nangyari kanina." Sabi ni Mico habang palapit sakanya.

"Forget it." Simpleng sagot niya.

"Hindi ka ba talaga sasama?" Tanong ni Mico sakanya.

Tinignan niya ito saglit at ibinalik ang atensyon sa pag-aayos ng mga damit niya. "Hindi nga sabi eh. Huwag ka nang makulit." Naiinis nanaman niyang sabi.

Binuka ni Mico ang kanyang bibig na animo'y may gusto pa sanang sabihin ngunit mabilis rin nitong isinara ang bibig. Sa huli'y bumuntong-hininga nalang ito at iniwan siya sa kanyang kwarto.

Nang marinig niya ang pagsara sa pintuan niya, mabilis niyang binitawan ang hinahawakang damit at miski siya ay napabuntong-hininga nalang rin.

Napapikit siya ng mariin. Masyado na ba siyang malupit kay Mico?

Pero sa tingin niya dapat lang iyon. Iba na siya ngayon, hindi na siya tulad ng dati na mahina at madal