Chapter 12 : First Meeting

THANA

"Dinuguan? Magluluto ka ng dinuguan?" puno ng pagtataka kong tanong kay Fana nang maabutan ko s'ya sa kusina at abala. Kaharap n'ya ang mga sangkap na kakailanganin n'ya at isa-isa 'yong chini-check sa hawak n'yang recipe book. "Akala ko ba ayaw mong niluluto ang dugo na iniinom mo. Bakit biglang nag-iba ang panlasa mo?"

"I'm practicing," nakangiti n'yang sagot.

"Bakit?" usisa ko.

Ngayon ko lang kasi s'ya nakita na gan'to kapursigido sa pagluluto at take note, pagkain ng tao ang ginagawa n'ya which is weird para sa isang bampira na katulad n'ya. Sa ilang taon kong pagkakakilala kay Fana ay never ko pa s'yang nakitang kumain ng pagkain naming mga mortal.

"For my boyfriend."

Namilog ang mga mata ko dahil sa sinabi n'ya. "T-Talaga?"

Tumango s'ya nang hindi man lang ako tinatapunan ng tingin. Abala kasi s'ya sa hawak n'yang recipe book. Halatang seryoso s'yang matutunan ang tamang pagluluto ng dinuguan.

"Gusto mo bang turuan kita?"

Mabilis s'yang napalingon sa akin at