CHAPTER 26

Panglimang araw na ngayon ni Loisa sa ospital at personal siyang inaasikaso ni Steve. Nahihiya man pero kinapalan niya na rin ang kanyang mukha. Batid niya sa sarili na kailangan nilang mag-ina ang tulong ng lalaki at ng pinsan nito. Gayundin ang ama ni Abegail na kanyang doktor na personal ding nag-aasikaso ng kanyang health status ayon sa kahilingin ng pamangkin nitong si Steve.

“Sir, maraming salamat nga po pala sa tulong ninyo sa aming mag-ina,”sabi ni Loisa.

Ngunit hindi siya narinig ng kanyang among lalaki dahil abala ito sa kanyang ginagawa.

“Ah, Sir mukhang pagod na rin po kayo at mukhang inaantok na rin po,”dagdag pa nitong sabi.

Basag ni Loisa medyo naaasiwa na kasi siya sa presensya ni Steve na nasa kanyang silid mula pa kaninang pagkagising niya. Nasa sofa ito at kasalukuyang tinitiningnan ang kanyang laptop upang makita ang mga report ng kumpanya.

Kahit naka indefinite leave siya ay hindi pa rin naman pinababayaan ni Steve ang kanyang kumpanya. Lalo pa ngayon na ang