Chapter 32

HINDI ko alam kung bakit hindi ko matanggal sa aking isipan ang mga sinabi ni Lance. Umuwi kami ni Bea sa building para makapag bihis at makapagtrabaho na. Wala kaming imikan ni Lance nang nagising na si Bea at ngising aso lang si Bea sa mga panahong iyon.

Siniko niya ako nang nakarating na kami sa Lounge.

"Anyare sa inyo?" Halakhak niya.

"Ano?" Nagbubulag bulagan kong tanong.

"Ni Sir Lance! Alam kong may something. Nararamdaman ko ang tensyon." Tumawa ulit siya.

Inilingan ko na lang siya at mabilis na akong naligo at nag bihis sa common CR. Nagmadali ako dahil sa pagtawag sa akin ni Mrs. Chiu. Mabilis akong nakarating sa opisina niya at ang paksa ng pag uusap namin ang nag paalala sa akin sa dapat kong gawin mamayang lunch break.

"Elisia, approved na ang resignation mo." Malungkot na sambit ni Mrs Chiu habang tinatanggal ang kanyang salamin.

Tumango ako.

"Ayaw ko man pero mabuti yung desisyon mong mag aral. Sa 15 ang effectivity." Aniya.

Tumango ulit ako. "Pasensya na po talaga. Ayaw