Chapter 50

"NARITO ka na pala, Zion. May bisita tayo, Kris?"

"Magandang umaga sa inyo. Ako po si David—"

"He's my dad, Lola. Ang totoong daddy ko!"

Ang pagkamangha ay agad lumatay sa mukha ng matandang babae. "Nagbalik na ang memorya mo,

"H-hindi pa, Mama..."

"Kung ganoon ay paano ninyo nalamang siya ang daddy ni Zion?" Pilit nitong pinagtatakpan ang takot sa pagsisikap na maging kalmante. Inilapag nito sa sahig ang dalawang supot ng groserya na pinamili sa bayan.

"Ako ang magpapaliwanag sa inyo, Lola," Zion said eagerly. Sinimulang ikuwento ni Zion sa abuela ang unang pagtatagpo nito at ng mga Samonte hanggang sa kahapong makita nito ang wedding picture ng mga magulang sa family room sa mansion sa Alta Tierra.

Nanatiling tahimik ang matandang babae lalo na nang ipakita ni Zion ang album at ikompara iyon sa mga larawang nasa ibabaw ng television. Leoncia sighed in resignation. Napuno ng lungkot ang mukha. Nilapitan ito ni Zion at niyakap.

"Lola, hindi kita iiwan. Alam mo iyan."

May sumilip na m