Chapter Sixty Two

After seeing the copy of the documents on her table, halos mag-apoy ang dib-dib niya sa matinding galit.

Hindi na nagdalawang-isip si Serie ng tumayo mula sa kanyang swivel chair at tinungo ang pinto. Bit-bit ang brown na folder na iyon ay lumabas siya mula sa kanyang maliit na opisina doon sa Blooming petals.

"Dito ka muna Claire. Kapag dumating ang kuya Jervis mo at hinanap ako, sabihin mo na may pinuntahan lang ako saglit." sabi niya sa babaeng katu-katulong niya doon sa flower shop.

Pagkasabi niyon ay dire-diretso na ang lakad niya papunta sa pinto.

Hindi na siya nag-aksaya ng oras. Agad niyang pinara ang unang tricycle na nakita ng kanyang mga mata.

"Manong, sa Mega bank po tayo." she said gritting her teeth hardly.

Hindi na niya ito mapapalampas. Sa nakita niya, sigurado na siyang plinano nito ang lahat. Akala pa naman niya matatahimik na sila dahil binayaran na nila ang loan nila sa bangko nito, but she was wrong dahil mas higit pa ang ginawa nito para hawakan sila sa leeg.