CHAPTER 30

"Nasa sekondarya ako nang makilala ko si Alice, Fiona," panimula ni Randall sa pagkukwento sa kanya.

Kapwa pa rin sila naroon sa may harap ng bintana, nakatayo habang magkatabi. Nakamasid si Randall sa labas habang siya ay nakatitig sa mukha nito.

"Bagong lipat sila dito sa Ihatub galing sa Manila. Technically, laking-Manila talaga si Alice. Naisipan lang umuwi dito sa probinsiya ng mga magulang niya nang magkaroon ng problema sa tinitirhan nila dati. Nagkakilala kami and to cut the story short, she became my girlfriend."

Pagkabanggit nito ng huling pangungusap ay lumingon sa kanya ang binata. Nagkasalubong ang kanilang mga mata at nakita pa ni Fiona ang pinaghalo-halong emosyon sa mga titig nito.

"I loved her, Fiona. Magsisinungaling ako kung sasabihin kung hindi," patuloy pa nito sa pagsasalita.

Agad na napayuko si Fiona nang marinig ang mga sinabi nito. Hindi niya maipaliwanag ang emosyon na lumukob sa kanya nang marinig mula mismo sa binata ang mga katagang iyon. Wari ba ay may pa