Chapter 109: Ako o ikaw?

Naburo ang mga mata ko sa kanya. Pilit inaarok kung sincere ba ang salitang lumabas sa bibig niya. Hindi rin naglaon ay tahimik na kaming nagsimulang kumakin ni Chaeus. Magkaharap. Pinapakiramdaman ang bawat isa. Kung sino ba ang una sa aming magsasalita. Panaka-nakang sinulyapan ko siya na parang kumukuha lang ng lakas upang magsimula siyang magpaliwanag.

"Bakit ka noon biglang umalis ng walang paalam?" basag ko sa katahimikan na bumabalot sa amin.

Saglit siyang natigil sa pagsubo. Nababad ng ilan pang mga minuto ang mata niya sa mukha ko. Inaasahan niya siguro ang tanong ko. Walang kahit na anong bahid ng pagkabigla sa kanya eh.

"Dahil nakiusap noon sa akin si Mom—"

"Hindi mo man lang ba naisip ang kalagayan ko? Basta mo na lang sinunod ang gusto ni Azalea?Bigla kang naglaho. Walang pasabi. Alam mo ba kung ano ang mga naging impact sa akin noon?"

Ang buong akala ko ay okay na ako dahil ilang taon na rin naman ang lumipas pero hindi pa pala. May bahid pa rin ng poot at galit ang p