Chapter Eighteen: Their Silly Hearts

October 30, 2019

Baguio City, Philippines

Nagdilat ng mga mata si Thera. Ilang saglit siyang tumitig sa puting kisame, pinapakiramdaman ang puson na nananakit.

Nang maramdamang mas tumitindi ang pananakit, natutop niya ang puson, saka bumaluktot sa pagkakahiga sa couch. Nakangiwing ipinikit niya ang mga mata.

It was the first time na makaramdam siya ng ganoong sakit, well, as far as she could remember.

Kahapon, pinilit niyang iwasang isipin ang nalaman tungkol sa naging gulo nila ng empleyado sa Sean and Tan’s noon. Pero paulit-ulit na bumabalik sa isip niya ang mga sinabi nito nang mapag-isa siya kagabi sa maluwang na kuwartong iyon.

Ayaw muna sana niyang mag-isip, gusto niyang pahingahin ang utak. Pero parang nang-aasar, gusto pang sumabay ng ulo niya sa pananakit ng kanyang puson. May mga alaala pang nagpupumilit na makawala mula sa pagkakakulong sa isip niya.