KABANATA 41

Pansin niyang mas lalong nagiging busy sina Clyde at Kyle mula nang bumisita ang mga kliyente. Laging sa conference room nagkukulong ang dalawa. Minsan na siyang naghatid ng makakain ng dalawa roon at palagi nang subsob ang mga ulo nito sa trabaho.

Kasalukuyan niyang nililigpit ang pinagkainan ng dalawa pagkatapos ng lunch break. Natuwa siya nang si Clyde lang ang andu'n kaya't sinadya niyang bagalan ang kilos para manatili muna doon nang matagal-tagal.

Pasimpleng tiningnan niya ang nakaupong lalaki. Nakakunot-noo ito habang may binabasang text sa phone. Nagulat pa sila nang biglang bumukas ang pinto. Nakita nila ang walang kangiti-ngiting si Claire.

" I thought sasamahan mo akong mamili ng wedding rings natin," walang kaabog-abog na sabi ni Claire na hindi man lang alintana ang presensiya niya.

Napatayo si Clyde para salubungin ang babae. Akmang hahalikan sana nito sa pisngi si Claire nang iniwas nito ang mukha sa lalaki.

" I just need this week,