CHAPTER 82

KAAGAD na nakatawag ng pansin ni Olivia ang cover ng isang fashion magazine.  Hindi niya makakalimutan ang mukha ng babaeng iyon dahil iyon ang babaeng kasama ni Gabriel sa isang interbyu nuon na pinagselosan niya ng husto.  Binayaran niya iyon kasama ng yogurt na ipinabili sa kanya ni Stacey pagkatapos ay lumabas na sila ng Family Mart na nasa ibaba lang naman ng kanilang condominium.

            Nasa elevator pa lamang sila ay binasa na niya ang magazine.  Ilang beses siyang napabuntong hininga ng malalim, ang layo-layo ng agwat nila ng Elise Ignacio na ito.  Ito ang klase ng babaeng siguradong gusto ng mga magulang ni Gabriel para dito.

            “Olive?”

            Pag-angat niya ng mukha, nakita niya si Don Miguel nakangiti sa kanya.  Hin