CHAPTER 11

REGINALD DAEWOON...

Nabudol nga s'ya ni Trina at ngayon ay pinag planuhan n'ya kung paano bawiin kay Drake at kay Howald ang nabudol ng inaanak n'ya sa kan'ya.

Damay na din si Howald dahil ito ang tatay ni Joshua na kinababaliwan ng kan'yang inaanak na uhugin pa nga pero lumalandi na.

Hanggang sa nakatulog na lang s'ya ay ganon pa rin ang kan'yang iniisip. Kung paano mabawian ang dalawang kaibigan dahil sa pambubudol ng anak ni Drake sa kan'ya.

Kinabukasan ay maaga s'yang nagising. Nakasanayan n'ya na— na nagigising ng maaga dahil sa kan'yang trabaho.

Nakatanggap s'ya ng report mula kay Spike at ang laman ng report nito ay ang record ng cctv sa loob ng club ng nagdaang gabi.

Pinag-aralan n'ya ng mabuti ang naturang mga kuha at naagaw ang pansin n'ya ng isang babae na senswal na sumasayaw sa harapan ng mga parokyano.

Umigting ang kan'yang panga habang nanunuod dito hanggang sa mapatay ang ilaw at iyon na nga ang senaryo na nagkagulo ang lahat.

Ang kasunod na nakita sa screen ay ang pag