CHAPTER 23: DAY 8 IN PALAWAN (Part II)

Ilang araw pa ang lumipas at masaya sila. Walang pagsidlan ang kaligayahan ni Yelena.

Ngunit dumating ang araw na hindi niya inaasahan at mas lalong hinding-hindi niya maiintindihan.

Isang umaga na inaasikaso nila ang mga kinakailangang dokumento sa kasal. Iniwan niya si Angelo sa kanyang kuwarto upang saglit na maglinis ng katawan ngunit paglabas niya ay wala ito, bagaman nakakalat sa kama ang mga gamit niya kabilang ang mga ID, at ilang mga larawan.

Kunot-noo niya itong hinahanap sa kabahayan kasabay ng pagtawag sa pangalan nito ngunit wala ito kahit sa sariling silid nito.

Bandang alas-dose ng hatinggabi nang maramdaman niyang dumating ito. Dumiretso ito sa sariling kuwarto at nagkandado.

Kinatok ito ni Yelena at nagtanong, "okay ka lang ba, Angelo? May problema ka ba? Let me help you."

Ngunit walang tugon mula rito.

Sa mga sumunod na araw na hindi pa rin siya hinarap ni Angelo ay nagkahinala na siyang iniiwasan siya nito.

Nang makakita ng pagkakataon ay nilapitan niya ito. Gusto