Chapter 89

Pinapasok kami ni Tita Roseanne sa loob ng malaking kuwarto. Mukha ito’ng suite, may bukana kung saan kami nag-usap, at may bedroom area kung saan nandoon ang kama ni Jinn.

Nakita namin s’ya nakahiga, nakatalikod sa amin at nakasuot ng striped pajamas.

“Tulog ata n’ya,” bulong ko kay Rome na mukhang naluluha nanaman.

Lumapit naman dito si tita at tinapik si Jinn sa binti.

”Jinn, you have visitors!”

Biglang gumalaw si Jinn na napatingin sa kanyang nanay.

”What?” tanong nito, malakas ang boses, tapos ay nagtanggal ng earbuds sa tainga n’ya. ”What did you say?”

“I said you’ve got visitors,” ulit ni tita. Agad umikot si Jinn sa kama.

“Rome!”

Biglang nagkulay ang mukha ni Jinn na pinaliwanag ng isang napaka gandang ngiti. May benda s’ya sa ulo at sa braso, pero nagawa n’yang tumayo at tumakbo papalapit kay Rome na niyakap n’ya ng mahigpit!

“Rome! Binisita mo ko! Akala ko mamamatay na lang ako nang `di ka naki