CHAPTER FORTY-ONE

Kalat na kalat na rito sa base ang tungkol sa nangyari, nakakapang-lambot lang na ngayon ay nasasangkot kami ni Mike sa kahihiyan at ganu'n din ang mga magulang namin nang dahil sa panganay naming kapatid.

Masakit man sabihin pero, Dana is a disgrace.

Simula nang mangyari ang eksenang 'yon kahapon, nanatiling tahimik ang lahat ngunit mababasa mo sa mga mata ng mga taong naririto na nakakasalubong namin ay ang labis din nilang pagka-dismaya gayon ang pamilya namin ay isa sa tinitingala rito.

Hindi pumasok sina Alvin, Dana at Henzel marahil dahil wala na nga silang mukang maihaharap pa sa aming lahat. Balita ko rin balak nang mag-resign ni Alvin, ngunit baka nga nakapag-file na ito kahapon pa. Mariin na lang akong napapikit habang nakasandal sa swivel chair.

Inilagay ko ang dalawa kong kamay sa kanto ng sandalan sabay unat ko saka 'ko tumingala sa itaas ng kisame. Mas mabuti pa nga rin na umalis na lang siya rito dahil tutal ay gumawa naman siya ng isang kahihiyan na hindi basta makakali