CHAPTER 51

HMH-51

MAAGA pa lamang ay handa na ang kanyang kambal para magtungo sa park. Kagaya ng ipinangako niya sa anak na si Natalie, pumayag siya na muling makipagkita ito kay Xander kahit pa nga labis-labis ang kabang nararamdaman niya. Hindi rin kasi niya maintindihan ang kanyang sariling nararamdaman kung matutuwa o maiinis. Hindi rin niya sigurado kung nagkataon nga lamang ba na narito ito o sadyang sinusundan siya. Ano pa man ang dahilan, narito na at nakita na ito ng mga anak niya, kaya no choice na rin naman para tumanggi siya sa munting hiling ng anak.

Pagdating na pagdating pa lamang nila sa park ay kaagad nang nahagip ng tingin ni Natalie ang bulto ni Xander na kasalukuyan nag-dya-jogging sa park.

"Mommy, he's there," Sabay turo sa gawi ni Xander.

"Gusto mo ba talaga siyang lapitan? Kita mo naman parang busy 'yung tao," seryosong sabi ng kakambal nito na si Nataniel.

Hindi maiwasan ni Yanna ang mapangiti. Aminado naman siya na may pagka-istrikto si Nataniel, taliwas sa pagiging