CHAPTER 70

HMH-70

MALALAGKIT ang mga matang nakatitig ang maangas na lalaki kay Yanna. Ilang sandali lang at humagod naman paitaas at pababa ang mga mata nito sa kabuuan niya. Nakatalikod si Yanna rito, ngunit nakikita niya ang kilos nito sa malaking salamin sa harapan niya.

Itinaas nito ang daliri at ipinatong sa baba nito at hinilot iyon. Inilabas nito ang dila at binasa ang sariling labi. Hindi naalis ang malagkit na titig nito sa dalaga.

Lihim na nahugot ni Yanna ang kanyang hininga at mariing pumikit. Umusal muna siya ng taimtim na panalangin bago muling nagmulat at hinarap ang lalaki.

"Pwede bang palabasin mo na ako rito? 'Di ba sinabi naman na sa 'yo na isa ako sa mga trabahador dito?" mahinahong sabi ni Yanna.

Ngumisi ito at ibinaba ang kamay at mabilis na hinablot ang magkabilang braso ni Yanna. Nakagat ni Yanna ang pang ibabang labi. Medyo masakit din ang ginawang pagpisil ng lalaki sa braso niya. Gustong kumawala ng temper niya ngunit nagpigil siya.

"Sa tingin mo ba malilinlang m