CHAPTER 71

HMH - 71

MASAKIT ang katawan, hilo at makirot na batok. Iyan ang nararamdaman ni Yanna pagbalik ng kanyang malay. Bahagya pa siyang nasilaw sa ilaw na nasa harapan niya. Iginalaw niya ang mga paa at braso ngunit nakagapos ito. Noon niya na-realize ang nangyari matapos na tila pinalo siya ng kung sino.

"Mabuti naman at gising ka na, sleeping beauty? Kumusta ang tulog mo? Dinalaw ka ba ng magandang panaginip?" bungad na sabi kay Yanna ng isang tinig na kapapasok. Hindi niya ito makita dahil nakatalikod siya rito habang nakaupo at nakagapos.

"Pakawalan n'yo ako rito!" bulyaw niya sa lalaki hindi pa man niya ito nakikita nang harapan.

"Uh, ang tapang mo naman pala, madam! Sayang, hindi bagay sa ganda at amo ng mukha mo," Unti-unti lumapit ang lalaki mula sa likuran ni Yanna at yumuko. Itinapat nito ang ilong sa leeg ni Yanna. "Hmm, nice smell," anito. Bahagya nitong hinawi ang ilang hibla ng buhok niya na nalaglag sa kanyang mukha at inipit sa kanyang tainga.

"Don't touch me! Maniac!"