Chapter 13

13

Napaubo siya nang buamgsak ang kurtinang tinanggal niya mula sa curtain rod. Hindi niya tuloy alam kung ialang taon na itong hindi nalilinis. Nagtataka rin siya kung bakit may ganuong silid sa bahay na iyon na marumi samantalang ilan ang kasambahay ng mga ito.

At hindi niya rin lubos maisip kung bakit siya ang pinagdiskitahan nitong utusan sa paglilinis ng silid na iyon. Hanggang sa mga oras nga na iyon ay nagngingitngit pa rin ang kaniyang kalooban.

Bukod na nga sa sobrang luwang ng silid na iyon ay ubod pa ng kapal ang mga alikabok. Hindi niya tuloy alam kung ilang oras siyang magdudusang linisin iyon.

Isa- isa nga niyang pinulot ang mga kurtina at itinambak sa tabi ng pinto. Nang matanggal niya na ang lahat ng kurtina ay napahinga siya ng maluwag. Lumiwanag na rin ang loob ng silid ng mga oras na iyon dahil nawala na ang makakapal na kurtina. Hindi niya natatanggal ang mga nakatakip na tela sa mga kagamitan doon. Wala siyang ideya kung ano ang mga iyon at isa pa ay hindi niya