Chapter 24.2

Nakapikit ito habang tinatabunan niya ang buong katawan nito ng buhangin at halos kalahati na ng katawan nito ang natapos niyang tabunan. Nasa taas na bahagi na siya ng katawan nito. Sa tantiya niya tila tulog yata ito dahil kanina pa ito nakapikit nang magsimula siya. Tila siya batang ngingisi- ngisi habang gumagawa ng kalokohan.

Paano ba naman ay naisip niya kasi na tabunan ang katawan nito ng makapal na buhangin at pagkatapos ay tyaka niya ito tatakbuhan. Nasisiguro niyang hindi ito makakaalis sa kinahihigaan nito ng basta- basta. Kaya ganado din siya maglagay ng buhangin. Makakaganti rin siya rito kahit papano.

Ilang sandali pa nga ay tuluyan na siyang nakarating sa bandang dibdib nito at hindi niya maiwasang hindi mapatitig sa mukha nito. Ang mga hibla ng buhok nito ay bumagsak din sa buhangin kaya malaya niyang napagmasdan ang mukha nito. Ngayon pa lamang niya nakita ang mukha nito sa labas. Nakita naman na niya ang buong mukha nito pero iba pa rin kapag sa labas na at dahil na