Chapter 25.2

Kitang- kita niya ang pagguhit ng isang ngiti sa mga labi nito at hindi niya maiwasan ang makaramdam ng kaba dahil sa pagkakangiti nito sa kaniya. May kakaiba sa ngiti nito. Dahan- dahan itong humakbang palapit sa kaniya ng mga oras na iyon hanggang sa tuluyan na itong makarating sa harapan niya.

Tumaas ang kamay nito at pagkatapos ay hinaplos nito ang mukha niya kung saan ay naramdaman niya na naman ang tila kuryenteng gumapang mula sa bawat himaymay ng buo niyang katawan. Hanggang sa hinawakan nito ang pisngi niya.

“Then I want you take off your clothes…” mahina nitong sabi sa kaniya.

Napapikit siya. Tila bumabalik na naman sila sa umpisa katulad noong una siya nitong angkinin sa loob ng silid nito. Napalunok siya at pagkatapos ay napamulat ng mata. Matiim itong nakatitig sa mga mata niya ng mga oras na iyon at tinatantiya siya kung papayag ba siya sa gusto nito ng mga oras na iyon.

Sa totoo lang ay pumayag naman na talaga siya sa usapan nila noong bago sila magpunta doon na gaga