CHAPTER 111

HABANG nasa byahe, hindi alam ni Yesha kung ano ang kaniyang dapat na maramdaman. Hindi siya mapakali sa kaniyang inuupuan. "Hey, love. Please, calm down. Daddy won't eat us haha." Sinamaan niya ng tingin si Shawn. Anong karapatan nitong pagtawanan siya? Gayong hindi na niya kayang ipaliwanag ang kaba.

"Eyes on the road, Shawn."

Patuloy pa rin ang pang-aasar ng lalaki. Parang gusto na tuloy niya itong pingutin. Inabala na lamang ni Yesha ang sarili sa pagtingin sa labas ng bintana. Maraming pumapasok sa kaniyang isipan ngunit hindi iyon maganda kaya mas pinili na lamang niyang pumikit at ang ina niya ang isipin.

"Kumusta naman sa opisina mo?" paninimula niya nang mapagod kakaisip ng kung anu-ano. "Ayos lang, naroon naman ang sekretarya ko, alam kong kaya niyang gawin ang mga trabaho roon."

Napangiti na lamang siya. Sobrang layo kasi ng ugali ng sekretarya ngayon ni Shawn kaysa noon, aminado siyang ma