CHAPTER 14

HINDI na napigilan ni Yesha ang makatulog. Hindi naman kasi siya binibigyan ng gawain ni Shawn. Wala siyang magawa kung 'di ang mag-cellphone at pagmasdan ang lalaki na abala sa binabasa. Kanina pa niya ito kinukulit kung ano ba ang gagawin niya pero sinasagot lang siya ng lalaki na magpahinga lang.

"Shawn," mahina niyang tawag sa lalaki. Bumaling ito sa kanya saglit at muling itinuon sa binabasa ang mga mata.

"Shawn," tawag niya ulit. "Hmm?"

"Ano ba pwede kong gawin? Kanina pa ako na-b-bored dito e, wala naman akong magawa. Ayaw mo rin naman sabihin sa akin kung ano ang dapat kong gawin." kahit na gusto niyang magpahinga ay ayaw naman niyang tanggapin dahil alam niyang binabayaran siya ng lalaki para matarabaho hindi para matulog lang. Kahit na ito mismo ang nag-utos, ayaw naman niyang makuha lang ang sahod nang hindi man lang niay pinaghihirapan iyon.

"Magpahinga ka lang diyan. Wala ka naman iba pang gagawin. You're my personal assistant, at nakaupo