CHAPTER 15

NATATAWANG pinagmasdan ni Shawn si Yesha na abala sa kinakain. Hindi niya mapigilan ang sarili na pagmasdan ito dahil para itong bata na tuwang-tuwa sa pagkain.

"Bakit?" tanong ni Yesha sa kanya habang nakakunot ang noo. Tanging iling na lamang ang naging sagot niya. Hindi rin naman niya maamin dito na hindi niya mapigilan ang humanga sa angking ganda ng babae. "kumain ka na lang kaya, hiindi yung ganyan ka makatingin."

Inirapan siya nito. Tumayo si Shawn at kumuha ng tubig at saka inilapag iyon sa may tapat ng babae. "Baka mabulunan ka."

Nagpatuloy na rin si Shawn sa pagkain dahil baka mamaya mapansin pa siya ng babae. "Shawn," tawag nito.

"Hmm?"

"Kailan ka nag-start na magkaroon ng sarili mong company?" tanong nito na ikinahinto niya. Hindi siya handa para sa mga ganitong katanungan ng babae. "kasi, kung titingnan parang matagal na itong business mo at mukhang successful ka na talaga." nagniningning ang mga mata nito. Bakas doon ang paghanga sa k