CHAPTER 163

NAKAYUKONG pareho si Yesha at Erika habang kinagagalitan ng professor dahil sa kanilang mga absent. Bago lang ito at pumalit muna sa prof nilang nagkasakit. Mabuti na lamang talaga at nasa mood siya dahil kung hindi, baka masagot niya ito. 

Alam naman ni Yesha na mali nga namang palagi siyang excuse. Pero yung ipatawag at ipahiya ng bagong salta; lumalabas ang kaniyang pagiging maldita. Ilang beses ba siyang pinakalma nang patago ni Erika. 

"Kung nagagawa niyo ito kay Prof Dennis, puwes ibahin niyo ako! Hindi ako katulad niya na kukunsintehin kayo sa mga kalandian ninyo!" Tila nagpanting ang tainga ni Yesha sa sinabi nito. Kusang nagdilim ang kaniyang tingin at naiyukom niya ang kaniyang kamao. "And who are you para sabihan kaming malandi?" palaban niyang tanong. Napahawak na sa siko niya si Erika. Alam niyang nag-aalala ang kaniyang kaibigan. Pero hindi siya makakapayag na sabihan lang ng kung sinu-sino ng kung anu-ano silang dala