CHAPTER 187

HABANG abala sa pakikipagtawanan si Shawn, nakita niya si Erika na kumukuha ng pagkain. Gabing-gabi na pero gising na gising at buhay na buhay pa rin silang lahat. Kahit pa nga na sinabihan na siya ni Shawn na matulog at huwag magpupuyat dahil nga baka makasama sa kaniya pero heto siya. Naghihintay kung kailan niya magagawang masolo si Erika dahil gusto niya itong kausapin. 

Medyo nag-aalala rin kasi siya. Oo nga at tapos na ang problema nila ni Shawn, pero hindi naman siya makakapante kung ang kaibigan naman niya ang humaharap sa malaking problema ngayon. May iba naman siyang naiisip na dahilan pero mas nangingibabaw pa rin ang pag-aalala.