CHAPTER 201

Ramda ni Yesha ang higpit ng pagkakahawak ni Shawn sa kamay niya. Alam niyang natatakot ito para sa kaniya pero ito lang din naman ang isa sa mga bagay na gustong-gusto at hindi niya papalagpasin gawin.

"Shawn, huwag ka nga kabahan sa akin. Nawawala ang angas mo." Pagbibiro niya pa. Napailing n alamang ang lalaki sa kaniya na para bang may nasabi siyang mali. "Yesha, sinong 'di kakabahan? Bigla-bigla kang nag-d-decide na makikipagkita kay dad."

Nababasa niya ang takot sa mata ng lalaki pero pilit na nilakasan ni Yesha ang loob.

"Gusto ko lang makasiguro, Shawn. At isa pa, ito lang din ang makakapagpatahimik sa akin."