CHAPTER 64

WEEK had past at wala namang nangyaring pagbabago sa relasyon nila ni Shawn. Pinilit na ring alisin ni Yesha ang lahat ng alinlangan niya sa lalaki. Hindi naman kasi dapat siya nagpapaapekto sa mga gano'n. Hindi naman siya dapat nagpapadala sa mga naririnig.

"Shawn, baby!" masaya niyang sinalubong ang lalaki at niyakap nang mahigpit. Nagulat siya nang bigla itong umiwas. Hindi niya napansin na may kausap pala ito sa cellphone. Napasimangot tuloy siya pero kaagad ding napawi nang harapin siya ni Shawn saka mabilis na hinalikan sa noo. Sinenyasan siya ni Shawn na manahimik at maghintay kaya naman pumasok na lang siya sa kusina at nag-ayos ng meryenda para sa nobyo.

Tinawagan din muna siya saglit ang ina niya at kinumusta. Nami-miss na niya ito pero hindi naman siya makakuha ng pagkakataon na bisitahin ito.

Naatalon siya nang maramdaman niya ang isang bisig na yumakap sa kaniya. "Tapos ka na sa kausap mo?" malambing na tanong ni Yesha sa lalaki. Naramdaman naman ni