CHAPTER 77

DIRETSONG pumasok sa loob ng kabahayan si Yesha kahit na ilang ulit siyang tinatawag ni Shawn. Hindi niya pinansin ang lalaki dahil wala namang mababago kahit pansinin niya ito. Baka makapagsalita lang siya ng masasakit dito.

"Yesha, kausapin mo 'ko. Bakit ka nagpapahatid sa ibang lalaki?" Tuloy-tuloy na tanong ni Shawn pero tuloy-tuloy lang din siyang umakyat. Kung p'wede lang na mawalan siya ng pandinig ay ginawa na niya. Masyadong masakit na malaman mong niloloko ka. Pero wala ka namang lakas ng loob para komprontahin ito dahil natatakot ka. Natatakot kang mas piliin niya ang pangalawa kaysa sa 'yo na nauna.

"Yesha!" sigaw ni Shawn dahilan para mapahinto siya saka inis itong hinarap. "Bakit mo 'ko sinisigawan?" nagngingitngit na tanong niya sa nobyo.

"I'm sorry, hindi ko sinasadya. Sorry baby, sorry."

Gusto niyang masuka sa mga pinagsasabi nito pero nananaig ang sakit. "Ano bang gusto mong malaman?" napupuno niyang tanong.

"Bakit ka nagpahatid sa ibang lalaki?"<